চাকমা কবিতা-“রেদোর স্ববন”

রেদোর স্ববন
Written by SUMON CHAKMA
স্ববন দেগঙ মুই রেদো সমবাগত,
সুগ পিরি ইস্সে এই মোনমুড়ো ঝাড়ত্।
আগঅ্ সান্নে গুরি,মাআ ঝাড়ত্ ঘুরি ঘুরি
তোনপাত তগে আনেল্লোই।
মোনোমাদা,তারেঙোমাদা ঘুরি ঘুরি
দারবো হাবি আনেল্লোই।
জুম্মো বোনুন যাদন একজাগ মিলি,
যাদন ঝাড়ত আলু হুরো।
আগঅ্ সান্নে গুরি গীদে-রেঙে,
মুজি আগন গুরো-বুড়ো।
স্ববন দেগঙ মুই রেদো সমবাগত,
নানু শোনাল পজ্জঙ্ ইজোরো দাগত বোই ।
স্ববন দেগঙ মুই রেদো সমবাগত,
আযু শোনাল গেঙুলি নানু দাগত বোই।
স্ববন দেগঙ মুই রেদো সমবাগত
সুগর বেলর ছদক রাঙাসিকসিক গুরি জলেল,
স্ববন দেগঙ মুই জুনোপরত্ আজি আজি বোননো নাজেল্।
হঠাৎ গুরি ভাঙি যায় মর দোল স্ববনআন,
বিরুঙ বিরুঙ গরে বানা মর পরানান্।
মনানে হই্ বানা হোমলে পুরেবঅ্
মর এই দোল স্ববনআন।