চাকমা কবিতা-ভাবী সহ্

“ভাবী সহ্”
📝 সুমন চাকমা
ও চাঙমাজাদর বাপ-বেই,মা-বোন লঘ
তুমি এক্কা মুরোত পুরি ভাবী সঅ!!
চেরোহিত্তে এজসঙ বানা হানানার রঅ্,
নেই চাঙমা উনোর বাজিবার হনঅ বঅ্।
তুমি এক্কা মুরোত পুরি ভাবী সঅ্।।
যেদক দিন যার,সেদক মিজি যেল আমি,
আজার আজার বাঙালঅ্ লঘে।
চাঙমা জাদর চেরাগ,লারেওর বোম্বা ওনেই পদ দেগে দিয়ে,
দাঙ্ঘু মানবেন্দ্র লারমারে আরিয়েই বেগে।
হি অলঅ্ আমার,এক্কা ভাবী সঅ্!
আমি হি পারিবোঙ বাজে?
আমা ভাজ,আমা সুদুম,আমা বিজগ,
আমা দেশ,আমা ধর্ম?
আমি হি পারিবোঙ তুজিমপুরো
চাঙমাজাদরে বাজে রাগে?
বাংলাদেশ সরকারর্ হু বুদ্ধিয়ে
আমা জাদর্ চাঙমাউনো ইদু চলের্ এজঅ
বেয়ে-বেয়ে,বাবে-পুদে মারামারি।
মোগে আরাদন নেক,মায়ে আরাদন পোঅ্
বাবে আরাদন আজার আজার স্ববন।
হি আন্দার লামি এলঅ্!?
হি অলঅ্ আমার,এক্কা ভাবী সঅ্!
পিজোর,,,!জাগি উদে মনত,
আসলে হি চাঙমাজাদর্ বেয়ে-বেয়ে
জুদো ওনে জাদর হদা ভাবঅ্দন?
নাহি বানা দাঙর নেতা ওবা উদিজে,
চাঙমা জাত্তরে হোত্তা হোত্তা গরঅ দন!!
হোমলে সুগ পিরিবো?
হোমলে আগঅ্ দিন এব্?
হোমলে এই মোন-মুরোত
অবেদর গুরি পুদিবাগ বিজুফুলুন!!
এক্কা ভাবী সঅ্।
হোত্তে হোত্তে এক্কা এক্কা গুরি হারি লোনেই,

এক্কা ভাবী সঅ্।
চোক্কুন মিলি জাগি উদো হুদু ঘুম জর তুমি,
উজে এজঅ্ উজে যেই একজোদা গুরি।
ও গাবুজ্জে-গাবুরি এজঅ্ উজে যেই,
গদা চাঙমা জাত্তো আগে আমারে রিনিসেই।
#########
Date:10/12/2021